Qırımnıñ bazı regionlarında bu gece atış ve patlav sesleri eşitilgen edi. "Krımskiy veter" Telegram kanalı oquyıcılarınıñ malümatına esaslanıp yazğanına köre, gece Saqta ve Aqmescitte dronlarnıñ uçuşları eşitildi, atış ve patlav sesleri oldı.
"Saqta patlavlar ve atış saat 02.45-te başladı. Saq issilik elektrostantsiyası ücüm etildi. Dronlarnıñ uçuşı Saqta ve Saq rayonında eşitildi. Aqmescitte saat 03.53-ten 03.57-ge qadar üç küçlü patlav oldı. Beş Terek (Donskoye) ve Mazanka köyleri civarlarında", – dep aytıla "Krımskiy veter" haberinde.
Aynı vaqıtta Rusiye Mudafaa nazirligi Qırımğa qarşı dron ücümini tasdıqlap, Telegram kanalında "keçken gece nevbetçi ava mudafaa vastaları 76 Ukrayina uçucısızını yoq etti", 21-ini Qırım yarımadasında, dep bildirdi.
Ukrayina arbiyleri bu malümatnı daa izaatlamadı.
Qırım.Aqiqat muarririyeti dron darbeleriniñ aqibetlerini ögrene.
2022 senesinden başlap yarımadağa er kün ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.